خلوها سالفه
خلوها سالفه
يقولك قديما يوم كانوا الجن يسترقون السمع كانوا يرقون فوق بعض الين يوصلون للسماء
وكان اول واحد فيهم مايسمع الا كلمه واحد بس ثمن يعلم اللي تحته ويزود كلمه من عنده
واللي تحته ياخذ الكلمتين ويزود ثالثه من عنده ويعلم اللي تحته وعلى بال مايوصلون للارض
ولاهم قد طلعوا سالفه من روسهم وماياكلها الا الساحر المسكين اللي يصدقهم
مايدي انهم قاعدين ينصبون على راسه طول الليل خخخخ
حنا اليوم فكرتنا ماهيب بعيده عنهم نبي نقول لكم بداية سالفه قصيره ونبيكم تمارسون نفس
اللي كانو يمارسونه الجن كل واحد يقرأ القصه ويزود من عنده اللي يقدر عليه
الين بالاخير تصبح عندنا قصه كبيره ساهم بكتابتها كل العياريين
الشروط
- مافيه مانع ترد اكثر من مره بس لازم بين كل رد والثاني ثلاث ردود
عشان نتجنب الناس البثره واللي ماتنعطى وجه
- الرد يكون مرتبط مع اللي قبله لحد يشطح شرق يرحم ابوكم
- ومحد يضيف رده الا وهو متاكد ان محد سبقه على الرد اللي قبله يعني حدثوا الصفحة قبل تضيفون ردكم لاتطامرون فوق بعض
- الردود بدون تواقيع اريح لنا ولكم وللصفحة لايجي واحد يمحط لنا توقيع طوله مثل شنبي ويخرب علينا السالفه
- اللي يحجز رد على الفاضي ولا يرد ويعدل رده خلال فترة عشر دقايق نمنعه يرجع يرد مرة ثانية لذلك امنعونها من الحجز الا في حاله وحدة
- اللي يحجز يتاكد انه بيرجع واذا حجز مايكتب (محجوز) عشان لانقشع رده.. يكتب آخر سطر من الرد اللي قبله ويحط نقاط مثال :
رد 1
يومني بزر وانا ودي اتعلم سواقه وناشبن لاهلي بالتباسي وغطيان القدور افحط بها بالبيت واذا جاء ابوي اخذ عقاله وافحط به عاد عقاله صغير كنه طاره بورش واحلى جو اذا جيت اسوقه لاني اقدر امسكه بيد وحده موب مثل التباسي والقدور يالله اشيلها بيدين وامشي مقدر اعشق القير هذي حالتي يومني صغير
تجي انت تاخذ اخر كلامي وتكتبه بالرد اللي بعدي
رد 2
هذي حالتك يومنك صغير .............. اما انا حالتي حالة ... إلخ
وتاخذ راحتك بالرد بس ماتطول عن عشر دقايق وترجع تكتب بسالفة ثانية
- الرد عبارة عن خمس سطور إلى سبع سطور بدون فراغات ولازم الخط حق القصه وحجمها يكون بالخط العادي يعني 3 او 4 موب تجي تكتب لي سطرين وتحط حجم الخط 17 وتقول ذي اربع سطور عشان ما نمصع اذنك ونخليك انت السالفة
معا لبناء قصه تخلد في اركان المراهقين , القصه الاولى من نوعها والتي يشارك
في كتابتها كل العيارين يوما ما سوف تقول لابناءك انا من الذين كتبوا تلك الروايه العظيمه
وسوف يقول لك ابناءك عرفنا ليش طلعت القصه بايخه سيروا فلا كبى بكم الفرس
كل 3 ايام نبدأ سالفة يعني من اليوم احسبوا 3 ايام وبعدها نفتح سالفة ثانية
( بينما كان يجلس ذلك الرجل الطاعن بالسن والملقب بـ ( عنفوش ) بمقبرته اللي يشتغل بها ويقوم بحمايتها يوميا
اراد احد اصدقائه يسوي فيه مقلب فلبس الكفن وبوسط الضلام تدربى الين وصل الين حضن عنفوش
فما كان من عنفوش الا ان وبخ الكفن وقال وش مطلعك انت من القبر الحين .؟ طلعات اخر الليل ماسمحنا
فيها وانت حي نسمح فيها وانت ميت عاد قام صديقه وهو يخلع الكفن وقال ياخي الى متى انت تشتغل حفار قبور
ترى القبور لاحقن عليها وعلى فكره تراك بتخيس هنا بعد فتره بسيطه ان شاء الله ......... )