مزمز : يــبــه أصب لكـ قهوة
أبوي :
مزمز: يبه وش ذا النظرة الغير آمنة والي أحس أنها مليانه فيروسآت متبعثرة في حدقت عينك المتبلورة <<--- كيف الوصف بس
أبوي : تـعآل جنبي وآنآ أبوكـ أبيك بسالفة
مزمز :يبه وش فيكـ ..هاااه جيت جنبك وش تبي أخلص ....<< الله من الأدب
أبوي (( يمسكني بقوة ويطب فوقي )) : زلـــييييخة تعاااااااااااااااااالي زليخة زليخة
مزمز : لا يـــبــه لا أتركني أتررررررررركني
زليخة : هاااااه هااااااه هااااااااااااااه .. صدقني القدر كاتب لنا أننا نلتقي يا قلبي
لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااع
أووووووه أووووووه .. اشوا أنه كااابوس أوووه
يآربي ذي زليخة ليش تلاحقني حتى بالحلم .. اي حلم الا كابوس
عبدالله : مزمز مزمز وش فيك
مزمز : أظن أنه كابوس عبود
عبوود : لا حول للحين تحلم بزليخة .. ياخي أستسلم خلاص .. وتزوجها الا متى بتكابر
مزمز: ياخي خبل أنت خبل ولا خبل ولا مثلا خبل .. أنت عارف وسيد العارفين أنها بنت مشؤومة .. خطيبها الأول يوم دفع له أبو زليخة مهرها وفوقها عمارة .. مات محروق بمحطة
بنزين .. وخطيبها الثاني مات غرقان في البانيو .. تخيل من قوي شؤمها غرق بالبانيو .. أماا الثااااالث .. شكل أمه تقرأ الورد عليه ومسمية عليه ما جاه شي .. لكن المسيكين يوم جت الملكة .. أصر ذا المقرود أنه يشوفها .. والمسكين شفه في مستشفى الأمل تحرول وأنعقد لسانه .. شلون تبيني أخبطها مدري أخرطها أوووووه أقصد أخطبها
عبود : واضح أنكـ متروع من الحلم المهم أقول قم قم يبي يذن الفجر قم تسحر
مزمز : وخر بس من زينك وزين أكلك ومن زين أستراحتك .. أنسدت نفسي مابي شي
(( رحت للبيت وانا حالتي حالة .. وقلبي على يدي لا أجي والقى أمي تبارك لي تقول أبوك خطبها لك
لأن أبوي يمكن يبيعني لو حصل له ولو قطعة أرض بالصومال .. دخلت البيت ولا أمي جالسة في الصالة وفاكه جديلتها تكدها ومدده عصاقيلها مترين قدام .. ))
مزمز : يمه ما تسحرت حطي لي سحور
أمي : هاااو .. أذن الفجر والمسلمين طلعوا .. وانت تقول عطيني سحور .. ورااه يا حافظ ما صليت انت معهم
مزمز : هاااه الا صح نسيت .. صليت وصليت سنة وشهرين بعد
<<-- أحلى مخرج يوديك لمنفوحة .. يمه بسألك .. هل أبوي يجرأ يفكر أنه يخطب لي زليخة ليش يفكر يضحي بي ..
أمي : هاااو من زليخة ذي
مزمز : زليخة بنت أبو حمد الأعرج
أمي : لا تقول .. تحبها
مزمز : يمه تكفين جربي مره تفكرين الله يخليك .. الواحد لا بغى يدعي على واحد قاله جعل زليخة أم عيالك .. وانت تقولين تحبها .. ذي شلون تنحب بس
أمي : أبد وانا امك .. شف أبوك يوم أعرس علي حبني شف بعد هذا هو جا أسأله
أبوي : هلاااااا ولله بهالزيــن الي يكد جديلته ياااااالبيه
أمي : اقول أسكت تراني أستحي أنت وهالكرش الي تقل قلابي أسمنت
مزمز : هييه هييييه تراني فيه استحوا
أبوي : حيى الله مزمووز وليدي أدري أنكـ موجود يا بعد تسبدي .. اصبر علي وبطيرك للجنة أن شاء الله بأبتعثك هناك للأبد
مزمز : سمعتي سمعتي يمممه شوفي الشر يلمع مع صلعته الي كل يوم يغسلها بشمبو ضد القشرة ..
أبوي : هص بس ما تدري من قابلت تو يوم سلمت علي اليمين.. ولا أبو حمد جنبي
أبوي : سلمت عليه .. وباركت له الشهر .. وو
مزمز : اححح احححح حسراان وخروا
(( دخلت الحمام وقفلته .. وفوحشت ودخلت أصبعي لأعماق مخي وأفره فرة وفرتين وثلاث .. وجاني الحل .. ما فيه الا ثلاث حلول لا رابع باء لهم .. يا أذبح زليخة .. وبعدها قصاص والنار .. ولا أذبح أبوي عشان لا يخطبها وبرضوا أول طيارة للنار ولا أنتحر وافتك وروح للنار سيدة .. ومع الفرة الثالثة لمخي .. طاحت علي فكرة متشبعة بمواد لزجة .. دامي داخل النار داخل .. ورا ما أذبح أبوي وزليخة مع بعض.. واخذ تأشيرة على جهنم الحمرا ,, بس ولله مهيب هينه علي أذبح ابوي واترك أميمتي لحالها .. عشان تسذا .. قررت أني أذبح زليخة بحالها لين أشوف لي حل مع أبوي .. رحت لغرفتي بعد دوامة الافكار المتساقطة وصكيتها نومه .. قمت قبل الفطور بثلاث دقايق ونص .. <<-- هالنص تمغطت فيه ))
تآبع ..