من طرف 
زهق .. طفش .. مدري وشو من هالكلمات اللي نرددها دايم
نطالع فالساعة نقول متى يمر هالوقت ؟
، نطالع أفلام ، نحمّل مسلسلات .. نبي نقطع الوقت بأي طريقة
طيب ليش ما ندور حل جذري ؟ شي من جد نحس عندنا غاية معينة وهدف سامي في حياتنا ؟
"بيجيني واحد نصراوي ويقول وش سامي ليه ما قلت ماجد يالنيفيا خخخ "
لا سامي من السمو والرفعة ولا أنا منيب راعي كورة وخرابيط وشغل بزران << منزل الموضوع ناوي ينطق الظاهر ؟
لا والله مثلاً نفكر نكتب كتاب ؟ نسوي بحث عن موضوع معين ..
أدري إننا سعوديين بس ترا ممكن والله
يصير الواحد منّا فرد فعال مب على قولة السويدان :
"واحد اسمه عادي تزوج وحدة اسمها عادية الصبح يروح الدوام يرجع ياكل ينوم وهي نفس الشي وجابوا ولد اسمه عادي وتزوج بنت اسمها عادية وعادوا نفس السيناريو"
أدري قلبت راسكم بس والله فكروا فيها .. ليش ما نتعامل مع أنفسنا على أساس إننا مميزين
نحط في بالنا فكرة "أنا حالياً أطلق واحد فالعالم كله .. ومصير مستقبل العالم بين يديني "
بين يديني مب يعني تحت سيطرتي إنما يعني بإمكاني أخلي الكرة الأرضية مكان أفضل وأسوي تغيير معين
يعني ورانا ما نصير إيجابيين ولنا توجه معين وفكر واضح .. بنحب حياتنا ترا
ايه وشسمه تراني كتبت الموضوع فالمفكرة وجبته هنا وبلشت فالعنوان
شوفوا اللي طلعوا معي :
صديق إنتا ما في موخ ؟
هاك شفني بعت عقلي .. جيت بجنون أتبعك !
يوجد مرقة مخ بالداخل خخخ
العقل البشري الأطلق شي
الدماغ البشري .. وبربرة ذات شجون عنه
دغدغ .. مب يعني واحد كان يدغدغ لا هاذي دلع دماغ
اختاروا اللي يجوز لكم وعدّوه هو عنوان الموضوع << فيه ديموقراطية أكثر من كذا
